ዘዲያቆን መልአኩ ይፍሩ

1ኛ ወደ ጢሞቴዎስ 1 Timothy 3
ምዕራፍ፡3፤
1፤ማንም፡ኤጲስ፡ቆጶስነትን፡ቢፈልግ፡መልካምን፡ሥራ፡ይመኛል፡የሚለው፡ቃል፡የታመነ፡ነው።
2፤እንግዲህ፡ኤጲስ፡ቆጶስ፡እንዲህ፡ሊኾን፡ይገ፟ባ፟ዋል፤የማይነቀፍ፥የአንዲት፡ሚስት፡ባል፥ልከኛ፥ራሱን፡
የሚገዛ፥እንደሚገ፟ባ፟ው፡የሚሠራ፥እንግዳ፡ተቀባይ፥ለማስተማር፡የሚበቃ፥
3፤የማይሰክር፥የማይጨቃጨቅ፥ነገር፡ግን፥ገር፡የኾነ፥የማይከራከር፥ገንዘብን፡የማይወድ፥
4፤ልጆቹን፡በጭምትነት፡ዅሉ፡እየገዛ፡የራሱን፡ቤት፡በመልካም፡የሚያስተዳድር፤
5፤ሰው፡ግን፡የራሱን፡ቤት፡እንዲያስተዳድር፡ባያውቅ፥የእግዚአብሔርን፡ቤተ፡ክርስቲያን፡እንዴት፡
ይጠብቃታል፧
6፤በትዕቢት፡ተነፍቶ፡በዲያብሎስ፡ፍርድ፡እንዳይወድቅ፥ዐዲስ፡ክርስቲያን፡አይኹን።
7፤በዲያብሎስ፡ነቀፋና፡ወጥመድም፡እንዳይወድቅ፥በውጭ፡ካሉት፡ሰዎች፡ደግሞ፡መልካም፡ምስክር፡
ሊኖረው፡ይገ፟ባ፟ዋል።
8፤እንዲሁም፡ዲያቆናት፡ጭምቶች፥በኹለት፡ቃል፡የማይናገሩ፥ለብዙ፡ወይን፡ጠጅ፡የማይጐመዡ፥
9፤ነውረኛ፡ረብ፡የማይወዱ፥በንጹሕ፡ኅሊና፡የሃይማኖትን፡ምስጢር፡የሚይዙ፡ሊኾኑ፡ይገ፟ባ፟ቸዋል።
10፤እነዚህም፡ደግሞ፡አስቀድሞ፡ይፈተኑ፥